KONGAMANO LA ELIMU LATOKA NA MAAZIMIO ILI KUPANDISHA UFAULU

Posted on: December 3rd, 2021

KONGAMANO la elimu wilayani Iramba limefanyika leo Tarehe 3.11.2021. Katika kujadiliana kwenye agenda hii, muongozo wa maaswali mawili ulitumika kuongoza majadiliano ambayo yamefanyika katika makundi mawili kama ifuatavyo.

Swali la Kwanza: Nini sababu za kutofikia malengo ya 90% katika ufaulu?

Swali la pili: Nini kifanyike ili tufikie malengo ya ufaulu wa 90%?

Kabla ya wawasilishaji wa makundi haya mawili, mwenyekiti alimkaribisha mkuu wa shule ya st. Desderius kwa ajili ya kuelezea kwa ufupi sababu zinazopelekea shule hiyo kufaulu na kushika nafasi ya kwanza kiwilaya, Mwalimu aliezea kuwa sababu zinazopelekea kuwa na ufaulu mzuri ni pamoja na mazingira mazuri ya kufundishia na kujifunzia, walimu kufanya kazi kwa moyo na kwa kujituma, uwepo wa vitendea kazi muda wote katika mazingira ya kujifunzia, Ushirikiano mzuri wa walimu, wazazi na jamii kwa ujumla, kuelimisha jamii ili iweze kuelewa umuhimu wa suala zima la elimu na umuhimu wake, Kumtanguliza mungu katika kila jambo ili aweze kuwakomboa Watoto katika mafundisho na mila potofu

Baada ya majadiliano katika makundi hayo makuu mawili hayo yaliyoshirikisha pia Madiwani, Viongozi wa Dini, Vyama vya siasa, Wenyeviti wa kamati za shule,wazazi,wakuu wa idara, Maafisa tarafa, Watendaji wa kata na vijiji, Taasisi mbalimbali zikiwemo SEMA, Haki Elimu, Sight saver, Wakuu wa shule za msingi na sekondari na wanafunzi, wameadhimia yafuatayo:-

Kuwepo kwa chakula cha mchana shuleni kwa kuwashawishi wazazi kuchangia
Kutoa elimu na kuishawishi jamii ili itambue umuhimu wa elimu, hivyo wazazi wawasimamie Watoto wapatae elimu na siyo kuwashawishi wafanye vibaya katika mitihani yao. Njia zinazoweza kutumika ni pamoja na kuwatumia viongozi wa serikali, Wazee maarufu, matamasha ya michezo mbali mbali, sinema na viongozi wa dini.
Ofisi ya Mkurugenzi Mtendaji iwaandikie barua watendaji wa kata na vijiji kuwakumbusha kutumia sheria kudhibiti na kutokomeza utoro wa wanafunzi kwa kuzitumia sheria hizo kutoa adhabu kwa wanafunzi ambao ni watoro
Ofisi ya Mkurugenzi Mtendaji ipeleke takwimu sahihi OR-TAMISEMI kulingana na mahitaji ya walimu yaliyopo. Ifanyike haraka mara tu baada ya vibali vya ajira kuwa vimetolewa.
Kukemea migogoro ya aina yeyote iwe ya walimu kwa walimu au walimu kwa viongozi lengo ni kuleta uafanisi wa kielimu.
Idara ya elimu kuwasilisana na uongozi wa chuo cha ualimu kinampanda ili wakati wa mazoezi ya ufundishaji kwa vitendo(BTP) wapelekwe kwenye shule zenye upungufu mkubwa wa walimu. Suala hili lisimamiwe na afisa elimu Wilaya.
Idara ya elimu Wilaya ifanye msawazo wa ikama ya walimu ili kuleta usawa katika utendaji kazi wa walimu
Kuwepo kwa kambi za kitaaluma za wanafunzi wa madarasa ya mitihani kwa shule za misingi na sekondari, Mkurugenzi aandike barua kupeleka kwa wahusika, kambi ziwepo mpaka itakapokaribia mitihani.
Mkurugenzi awachukulie hatua za kinidhamu walimu wote wanaoishi nje ya vituo vyao vya kazi hasa viongozi(Walimu wakuu na maafisa elimu kata)
Ikama irekebishwe kwa kuzingatia umahiri wa walimu,
Maagizo ya kikao cha wadau yatolewe na ofisi ya Mkurugenzi Mtendaji juu ya utekelezaji wa suala la lishe shuleni
Kuwepo kwa ratiba rasmi ya majaribio na mitihani hasa kwa madarasa yeye mitihani
Walezi wa kata watembelee mara kwa mara shule zao lengo ni kubaini changamoto zilizopo na kuzitatua. Afisa Elimu wilaya asimamie
Shule zote za sekondari ziandaliwe utaratibu wa kuwa na mabweni ili kuwasaidia wanafunzi hasa wale wanaotoka mbali na mahali shule ilipo
Walimu wanaokaa nje ya vituo vya kazi watekeleze agizo hilo la kuhamia kwenye vituo vyao vya kazi na watakao kaidi basi mkurugenzi awachukulie ahatua za kinidhamu

Mwenyekiti wa Kongamano hilo,amesema maazimio yote yatafanyiwa kazi ili kuleta mabadiliko katika sekta ya elimu kwa umuhimu wake.

Mwenyekiti wa Kongamano hilo, akizungumza na wadau wa elimu katika Kongamano la Elimu Wilayani Iramba.

Ofisa Elimu Idara ya elimu msingi Wilaya ya Iramba Mwl Chacha kehogo akizungumza katika Kongamano la Elimu lililofanyika Wilayani Iramba.

Kaimu Ofisa Elimu Idara ya elimu sekondari Wilaya ya Iramba Mwl Patrcia Ngaa akizungumza katika Kongamano la Elimu lililofanyika Wilayani Iramba

Kaimu Mkurugenzi Mtendaji wa Halmashauri ya Wilaya ya Iramba ambaye ni mkuu wa idara ya utawala na utumishi ndgu B’hango J. Lyangwa akichangia katika Kongamano hilo.

Kaimu Mwenyekiti wa Halmshauri ambaye ni diwani wa kata Ulemo Mhe. Peter J. Peter akichangia maoni yake katika Kongamano hilo.

Katibu wa Chama Cha Mapinduzi (CCM) Wilaya akizungumza katika kongamano hilo.

Mdau wa elimu (Haki elimu) akichangia mada katika mkutano huo wa elimu.