SHILINGI MILIONI 99 ZIMETUMIKA KUKAMILISHA ZAHANATI YA KIJIJI CHA MASAGI KILICHOPO KATA YA MTOA, TARAFA YA SHELUI WILAYA YA IRAMBA MKOANI SINGIDA.

Posted on: May 8th, 2023

SHILINGI MILIONI 99 ZIMETUMIKA KUKAMILISHA ZAHANATI YA KIJIJI CHA MASAGI KILICHOPO KATA YA MTOA, TARAFA YA SHELUI WILAYA YA IRAMBA MKOANI SINGIDA.

Mkuu wa Wilaya ya Iramba Mkoani Singida Suleimani Yusuph Mwenda;  Amezindua rasmi Zahanati ya Kijiji cha Masagi Kata ya Mtoa Tarafa ya Shelui Wilayani Iramba Zahanati ambayo inakusudiwa kuhudumia wananchi wapatao 3,117 katika Kijiji hicho Cha Masagi.

 Aidha DC Mwenda,Akiwahutubia wananchi waliojitokeza kwa wingi, kwa lengo la kushuhudia uzinduzi wa Zahanati hiyo amewataka wananchi hao kuhudhuria kikamilifu na Kupata matibabu katika Zahanati hiyo, kwani kwa sasa changamoto ya kufuata matibabu kwa mwendo mrefu umeisha.

Mwenda Amesema kuzinduliwa kwa Zahanati hiyo kutaondoa  kabisa vifo vya akina Mama na watoto  ambao walikuwa wanayapata  wakati wanafuata Matibabu Shelui au Mtoa  na halikadhalika katika Hospitali ya Wilaya.

Mkuu huyo wa Wilaya, Amesema kwa sasa vifo vya akina mama vitapungua kwa asilimia kubwa  kutokana na kukamilika kwa Zahanati nyingi katika vijiji Wilayani Iramba, lakini pia pindi vituo vya Afya vya Mtoa, na Shelui vitakapokamilika vitafanya vifo vya mama na mtoto kuwa ni historia katika nchi.

Aidha Mwenda amebainisha kuwa Mpaka sasa,Tayari Tsh. Milioni 280 zimeletwa kumalizia Kituo cha Afya Mtoa, Huku jumla ya Tsh.Milioni 120 zimeingia tayari kwa ajili ya Kukamilisha Kituo Cha Afya Shelui, na kuongeza kuwa tayari shilingi Milioni 200 zimeletwa Kukamilisha ujenzi wa  Zahanati ya Kinambeu  Ili kuhudumia wananchi wa eneo hilo.

Kwa upande wake Mganga Mkuu wa Wilaya ya Iramba Dkt. Hussein Sepoko amesema  Zahanati ya Masagi  imekamilika na tayari imepewa  Vifaa tiba vyenye thamani ya Shilingi  Milioni 24 huku wahudumu wa Afya wawili tayari wamefika  kwa ajili ya kuwahudumia wananchi.

Aidha wananchi wa Kijiji hicho wameishukuru serikali ya awamu ya Sita inayoongozwa na mama Samia Suluhu Hassan kwa kuwajali kuhusiana na Afya zao na sasa wamepona kilio chao cha muda mrefu.