ZAIDI YA SHILINGI MILIONI 271 ZIMETUMIKA KUJENGA ZAHANATI YA KIJIJI CHA WEMBERE ILIYOPO KATA YA SHELUI, TARAFA YA SHELUI WILAYA YA IRAMBA MKOANI SINGIDA.

Posted on: August 31st, 2023

ZAIDI YA SHILINGI MILIONI 271 ZIMETUMIKA KUJENGA ZAHANATI YA KIJIJI CHA WEMBERE ILIYOPO KATA YA SHELUI, TARAFA YA SHELUI WILAYA YA IRAMBA MKOANI SINGIDA.

Mwenyekiti wa Halmashauri ya Wilaya ya Iramba Mkoani Singida Innocent S Msengi;  Amezindua rasmi Zahanati ya Kijiji cha Wembere  Kata ya Shelui Tarafa ya Shelui Wilayani Iramba Zahanati ambayo inakusudiwa kuhudumia wananchi wapatao 2,1,06 katika Kijiji hicho Cha Wembere.

 Aidha Msengi,Akiwahutubia wananchi waliojitokeza kwa wingi, kwa lengo la kushuhudia uzinduzi wa Zahanati hiyo amewataka wananchi hao kuhudhuria kikamilifu na Kupata matibabu katika Zahanati hiyo, kwani kwa sasa changamoto ya kufuata matibabu kwa mwendo mrefu umeisha.

Msengi  Amesema kuzinduliwa kwa Zahanati hiyo kutaondoa  kabisa vifo vya akina Mama na watoto  ambao walikuwa wanayapata  wakati wanafuata Matibabu Shelui au Mtoa  na halikadhalika katika Hospitali ya Wilaya.

Mwenyekiti huyo wa Halmashauri, Amesema kwa sasa vifo vya akina mama vitapungua kwa asilimia kubwa  kutokana na kukamilika kwa Zahanati nyingi katika vijiji Wilayani Iramba, lakini pia pindi vituo vya Afya vya Mtoa, na Shelui vitakapokamilika vitafanya vifo vya mama na mtoto kuwa ni historia katika Wilaya ya Iramba.

Aidha Msengi  amebainisha kuwa Mpaka sasa,Tayari Tsh. Milioni 280 zimeletwa kumalizia Kituo cha Afya Mtoa, Huku jumla ya Tsh.Milioni 120 zimeingia tayari kwa ajili ya Kukamilisha Kituo Cha Afya Shelui, na kuongeza kuwa tayari shilingi Milioni 200 zimeletwa Kukamilisha ujenzi wa  Zahanati ya Kinambeu  Ili kuhudumia wananchi wa eneo hilo.na wiki iliyopita zahanati hiyo imeanza kutoa huduma

Kwa upande wake Mganga Mkuu wa Wilaya ya Iramba Dkt. Hussein Sepoko amesema  Zahanati ya Wembere  imekamilika na tayari imepewa  Vifaa tiba vyenye thamani ya Shilingi  Milioni 100 huku wahudumu wa Afya wawili tayari wamefika  kwa ajili ya kuwahudumia wananchi.

Aidha wananchi wa Kijiji hicho wameishukuru serikali ya awamu ya Sita inayoongozwa na mama Samia Suluhu Hassan kwa kuwajali kuhusiana na Afya zao na sasa wamepona kilio chao cha muda mrefu