Halmashauri ya Wilaya ya Iramba ina jumla ya Tarafa 4, Kata 20, Vijiji 78, Vitongoji 392, Idara13, Vitengo 6 na jimbo moja (01) la Uchaguzi ambalo ni Iramba.
Halmashauri ya Wilaya ya Iramba ina jumla ya watumishi 1745. Ambapo watumishi hawa wamegawanyika katika Makundi Mawili waliopo Makao Makuu ya Halmashauri na waliopo sehemu za kutolea huduma kama Hospitali , Zahanati , Shule , Ofisi za Kata na vijiji.
IDARA YA UTAWALA NA RASILIMALI WATU:
Idara ya Utawala ni kiunganisho kikuu cha Idara zingine, Idara hii ina jumla ya watumishi 144.Watumishi wa idara hii ni pamoja na Mkurugezi Mtendaji (W), Maafisa Utumishi, Makatibu wa Kamati, Makatibu Muhtasi, Madereva ,Walinzi ,Watunza Kumbukumbu, Wasaidizi wa Ofisi , Watendaji wa Kata na Watendaji wa Vijji.
Majukumu ya Idara ya Utumishi
Kushughulika na masuala yote ya utawala na uendeshaji wa ofisi
Kuandaa na kuwasilisha taarifa za utekelezaji za robo, nusu na za mwaka za Idara zinazohitajika kwenye vikao, Tume ya Utumishi wa umma, Menejimenti ya Utumishi wa Umma na Mamlaka zingine
Kushughulikia masuala ya itifaki na mapokezi ya wageni.
Kusimamia utendaji wa kazi kwa ngazi ya wilaya na kwa ngazi za chini; Kata ,Vijiji na Vitongoji.
Kuandaa na kusimamia Mkataba wa Huduma kwa Mteja
Kushughulikia masilahi ya Watumishi kama likizo,mafao,matibabu, kupandisha vyeo,kubadilisha miundo ya utumishina kuthibitisha kazini.
Kushughulikia masuala ya nidhamu :kushauri hatua zinazostahili kwa watumishi wenye makosa mbalimbali ya kiutumushi kulingana na kanuni za Utumishi wa Umma.
Kuratibu maandalizi ya bajeti ya mishahara ya watumishi wote na matumizi mengineyo kwa idara ya utawala na utumishi
Kushughulikia masuala yote ya Utawala Bora na Mapambano dhidi ya Rushwa
Kushughulikia maafa mbalimbali katika Halmashauri kama ; Mafuriko, Ukame na Vifo
Kushughulikia matatizo na migogoro inayojitokeza katika maeneo ya kazi ngazi ya Halmashauri ya wilaya ,Kata, vijiji na vitongoji.
Kusimamia usalama wa mtumishi mahala pa kazi ili kuwezesha utoaji wa huduma bora.
Kuhamasisha Watumishi kupima afya zao mara kwa mara ili kujitambua na kuishi kwa kuzingatia kanuni za afya.
NB. HALMASHAURI YA WILAYA YA IRAMBA INA MAZINGIRA MAZURI NA WEZESHI KWA MTUMISHI KUFANYA KAZI KWA UFANISI NA KUPELEKEA MTUMISHI HUYO KUYAFIKIA MALENGO BINAFSI IKIWEMO UJENZI WA MAKAZI BINAFSI KUJIENDELEZA KIMASOMO NA SHUGHULI ZA KIUCHUMI.
