HALMASHAURI ZAKUMBUSHWA KUTENGA BAJETI YA WANAMICHEZO SHIMISEMITA

Posted on: August 30th, 2025

HALMASHAURI ZAKUMBUSHWA KUTENGA BAJETI YA WANAMICHEZO SHIMISEMITA

Waziri wa Nchi, Ofisi ya Rais – TAMISEMI, Mhe. Mohamed Mchengerwa, amezitaka halmashauri zote kutenga bajeti na kugharamia ushiriki wa watumishi kwenye mashindano ya Shirikisho la Michezo Serikali za Mitaa (SHIMISEMITA).

Akizungumza kwa niaba yake, Mkuu wa Mkoa wa Tanga, Mhe. Balozi Dkt. Batilda Burian, alisema ni jukumu la halmashauri kuwawezesha watumishi kushiriki kwani michezo ni sehemu ya kazi.

Mashindano ya mwaka huu yameshirikisha halmashauri 152 kati ya 184, na wanamichezo 4,000. Aidha, Mhe. Burian aliipongeza Kamati ya Taifa kwa maandalizi bora na washindi wa michezo mbalimbali, akisisitiza mshikamano, afya na nidhamu kuwa malengo makuu ya mashindano haya.