IRAMBA DC YATINGA NUSU FAINALI MBIO ZA MITA 200 SHIMISEMITA 2025, TANGA

Posted on: August 23rd, 2025

Timu ya riadha kutoka Halmashauri ya Wilaya ya Iramba inaendelea kuonyesha ubora wake katika Mashindano ya Michezo ya Shirikisho la Michezo Serikali za Mitaa Tanzania (SHIMISEMITA) yanayoendelea kufanyika jijini Tanga.

Tarehe 22 Agosti 2025, mwanariadha Verynice Meena alidhihirisha uwezo mkubwa baada ya kushika nafasi ya nne katika mbio za mita 200 (kundi B – wanawake), na hivyo kufuzu hatua ya nusu fainali ya mbio hizo.

Ufanisi huo unampa Meena tiketi ya moja kwa moja ya kushiriki hatua ya nusu fainali, jambo linaloongeza hamasa na matumaini kwa timu ya Iramba kuendelea kupeperusha vema bendera ya wilaya hiyo kwenye mashindano makubwa ya kitaifa.