Mhe, Emmenueli Luhahula akiongea na wadau wakusanyaji wa mapato katika kikao kazi. Kulia kwake ni Mkurugenzi Mtendaji Linno Mwageni, wamwisho kulia ni Meneja wa TRA na kushoto kwake ni Mwenyekiti wa Halmashauri Simion Tiyosera. Picha na Hemedi Munga

Posted on: August 21st, 2019

Hemedi Munga, Irambadc

tehama@irambadc.go.tz

Iramba. Mkuu wa Wilaya ya Iramba, Emmanuel Luhahula amemuagiza Mwenyekiti wa Halmashauri ya Wilaya ya Iramba, Simion Tiyosera kuchukua hatua zidi ya watumishi wafujaji wa mapato ya Halmashauri ambao wanaikwamisha Halmashauri.

Luhahula ameyasema hayo katika kikao kazi leo Agosti 21, 2019 katika ukumbi wa Halmashauri wilayani Iramba na kuwataka takukuru kuchunguza kwa kina pamoja na kuwachukulia hatua wale wote wanaofuja na kukwamisha mapato ya Halmashauri.

Hatua hiyo inawajengea watumishi ari ya kazi inayoongeza mapato ya Halmashauri na kuifanya Halmashauri kutimiza malengo yake. Ameongeza Luhahula

Akiongea katika kikao hicho Mwenyekiti wa Halmashauri, Simion Tiyosera amesema wanatumia sheria mama kuanzisha chanzo cha mapato kwa kuchukua asilimia tano  kukusanya mapato yanayosimamiwa na wasimamizi wa mapato ambapo umeifanya Halmsahauri ya Iramba kutembea katika reli  kati ya halmsahuri  saba mkoani Singida.

Tiyosela amewasifu wakusanyaji wa mapato wanaoongozwa na Mkurugenzi Mtendaji, Linno Mwageni na Mweka Hazina na timu yake kwa kuweka mianya ya kuzuia rushwa kwenye ukusanyaji wa mapato kwa kuweka kwenye kila kijiji mtendaji mwenye POS anayekusanya mapato na pesa hiyo inapofika Halmashauri mtendaji anarudishiwa asilimia 20%.

Akiongea katika kikao hicho mkuu wa takukuru wilayani Iramba, Deo Mtui amewataka watumishi wa Halmashauri ya Iramba kuzaliwa upya kudhibiti na kuziba mianya ya rushwa.

Hatua hiyo utaifanya Halmashauri kukusanya mapato yake yatakayosababisha kuunga mkono juhudi za Mh, Rais wa Jamuhuri ya Muungano wa Tanzania, John Pombe Magufuli kuipeleka nchi katika uchumi wakati. Aliongeza Mtui

Mtui ameitaja mianya ya rushwa ambayo kwa mujibu wa sheria ya kupambana na kuzuia rushwa inachangia uwepo wa rushwa kwa wadau wanaotoa huduma na wale wanaopokea huduma. Huku akiwataka watumishi kujiepusha na mianya hiyo.

Amebainaisha mianya hiyo  inayotokana na sheria mbovu za ukusanywaji wa mapato katika wilaya ya  Iramba, mwanya wa rushwa unaotokana na ufanisi mbovu wa mifumo ya kieletroniki katika ukusanyaji wa mapato wilayani Iramba, mwanya wa rushwa unaotokana na sababu za kutofikia kwa malengo ya ukusanyaji wa mapato.

Huku akimalizia kutaja mwanya wa rushwa unaotokana na mmomonyoko wa maadili kwa baadhi ya watumishi wanaosimamia ukusanyaji wa mapato na kukosekana mikakati ya kuzuia rushwa katika Halmashauri ya wilaya ya Iramba.