Mhe, Mkuu wa Wilaya ya Iramba, Emmanuel luhahula amefanya ziara kata ya Ndulungu Tarafa ya Ndago leo tarehe 19/03/2019

Posted on: March 19th, 2019

Mhe, Mkuu wa Wilaya ya Iramba, Emmanuel Luhahula,

 amefanya ziara leo tarehe 19.03.2019 katika Tarafa ya

 Ndago kata ya Ndulungu.

 Mhe, Mkuu wa Wilaya ya Iramba, Emmanuel Luhahula,

akihutubia katika mkutano wa hadhara amemuagiza

 Kaimu OCD Mkuu wa Kituo cha Polisi Ndago,

Rashidi Mchonvu kuwakamata wale wote waliouza

 na walionunua Gala la Ushirika nakubomoa nyumba

 iliyojengwa katika kiwanja cha serikali.

“Nimetengeneza tume kwenye Wilaya kuangalia na

 kuhakiki mali za Ushirika, Ndulungu Gala la

Ushirika mmeliuza, Gala la Ushirika limeliwa,

 haya ni maelekezo wala sio ombi, Kaimu OCD

 kamata wote waliouza hilo Gala pamoja na

 aliyenunua Gala, na eneo la kiwanja libaki

 wazi kwenye Ushirika, sitaki maelezo katika

 hilo, wote wawajibike, hatuwezi tukachezea mali

 za Ushirika na nipate taarifa kabla sijamaliza

 ziara yangu kwenye Tarafa hii, hao watu

wamekwisha kamatwa wote na nimepita

nimeangalia sehemu zingine wamejenga ibomolewe

 hiyo nyumba, hatuwezi tukachezea maeneo

 ya serikali, sio tu la Ushirika na kama

 kuna mtu yuko kwenye eneo la serikali

  amevamia lazima aondoke,” amesema.

Mhe, Mkuu wa Wilaya, Emmanuel Luhahula

 amemuagiza Afisa Tarafa, Gerege Kingu,

kuwashirikisha wazazi na kuwaelemisha maana

 halisi ya Elimu bila malipo na kuhakikisha

 watoto wote wanakwenda shule na wanakula chakula.

“Simamieni suala la utoro na hakikisheni watoto

wote wanakwenda shule, hakikisheni watoto wote

wanakula chakula shuleni, watoto lazima wale

 sio ombi kwenye vijiji vyote,

ninatumia mamlaka kuagiza hili

 na sio ombi watoto lazima wale. Hakikisheni

 wananchi mnatunza chakula, kulima mazao

 mengine yanayokabiliana na hali hii,

mwenye mfugo avune na kununua chakula maana

 ni fedhea sana familia kukosa chakula.

Tusimamieni nidhamu, kuheshimiana viongozi

 wote wa serikali na hakikisheni mnatekeleza wajibu

 wenu kwa kufanya kazi,” amesema

Mhe, Mkuu wa Wilaya amewaambia wananchi kua

 tumejipanga kusajili watoto 20,000 wenye umri

 chini ya miaka mitano ili wapate vyeti vya kuzaliwa,

 mpaka sasa tumekwisha sajili zaidi ya watoto 11,000.

“Simamieni upatikanaji wa cheti cha kuzaliwa na

 hakikisheni mnakitunza maana ukipoteza utalazimika

 kutoa garama kukipata ofisi ya Mkuu wa Wilaya.

Amewaomba viongozi kusimamia ugawaji wa

vitambulisho vya mjasiriamali ili viishe, kufanya

 hivyo tutakua tunaunga mkono juhudi za Mh Rais,

Daktari John Joseph Magufuli,” amesema

Mhe, Mkuu wa Wilaya amewaambia wananchi kua

 Ndulungu bila Rushwa inawezekana na huo ndio

 ulinzi na usalama, kwa hivyo wenyeviti wa kamati

 ya Ulinzi na Usalama kuanzia ngazi ya kijiji hadi

 wilayani kusimamia kutokomeza rushwa.

Naye Mkuu wa Takukuru Wilaya ya Iramba,

 Pachal Lufungulo amewaelimisha wananchi kua

 rushwa ni kitu chochote mtu anapewa ili atekeleze

 jambo fulani kwa upendeleo, rushwa ni adui wa haki,

 rushwa ni kosa la jinai, rushwa ni dhambi na kuwataka

 wananchi watakapo ombwa rushwa watoe taarifa

Takukuru, Polisi au kwa Mkuu wa Wilaya.

Mhe, Mkuu wa Wilaya amewaomba wenyeviti wa

vitongoji wote na mabalozi kusimamia na kuimarisha

 madaftari ya wageni ili kuahakikisha tunatokomeza

uhamiaji haram.

Akizungumza kwenye mkutano huo kaimu Kamanda

 wa Uhamiaji, Insepekta Collins Soka, amesema

Mhamiaji haramu ni raia wa kigeni anayeingia

 nchini na kuendelea kuishi nchini bila kufuata

 taratibu na sharia za uhamiaji, au anayeingia

 nchini kwa mujibu wa sharia za uhamiaji lakini

 akaendelea kuishi nchini kinyume na sharia,

kanuni na taratibu.

“Amewataka wananchi kutoa taarifa kwenye ofisi

za Uhamiaji, kituo cha Polisi, au serikali za mitaa

 pindi unapohisi kuwepo wahamiaji haramu mahali

 popote. Ushiriki wako katika kuwafichua wahamiaji

 haramu ni muhimu sana katika kuimarisha ulinzi,

usalama na maendeleo ya nchi,” amesema

Naye Luhende Masangwa mkazi wa Makungi

 kijiji cha kipuma Kata ya Ndulungu, amemshukuru

 Mkuu wa Wilaya, Emmanuel Luhahula kwa ziara

 yake iliyoweza kuwazindulia jengo la shule shikizi

 na kuahidi kuja kulifungua mwaka huu.

Rozi John mkazi wa Makungi kijiji cha kipuma Kata

 ya Ndulungu, amefurahi ujio wa Mkuu wa Wilaya,

 Emmanuel Luhahula katika ziara yake kwani utasaidia

 kuharakisha ujenzi wa shule shikizi iishe haraka

 na watoto watu kusomea karibu.

Habari na Hemedi Munga.