MKUU WA MKOA WA SINGIDA, MHE. HALIMA DENDEGO AMEZINDUA RASMI KAMATI YA USHAURI WA KISHERIA NGAZI YA MKOA NA WILAYA PAMOJA NA KLINIKI YA SHERIA BILA MALIPO KWA WANANCHI

Posted on: May 19th, 2025

Mkuu wa Mkoa wa Singida, Mhe. Halima Dendego, leo Mei 19, 2025 amezindua rasmi Kamati ya Ushauri wa Kisheria ngazi ya mkoa na wilaya pamoja na kliniki ya sheria bila malipo kwa wananchi.

Uzinduzi huo umefanyika katika Stendi ya Zamani, Manispaa ya Singida, na umeongozwa na Mwanasheria Mkuu wa Serikali, Mhe. Hamza S. Johari.

Mpango huu unalenga kusaidia wananchi wenye changamoto mbalimbali za kisheria kwa kuwapatia msaada wa kitaalamu bila gharama kama ambavyo Serikali ya Awamu ya Sita chini ya Mhe. Dkt Samia Suluhu Hassan imekuwa ikielekeza.