Mkuu wa wilaya ya Iramba mkoani Singida, Suleiman Mwenda amesikiliza na kutatua mgogoro wa ardhi hekari 420 kati ya Wananchi na Chama cha Ushirika ambapo kila mmoja alidai kuwa hekari hizo ni zao.

Posted on: December 25th, 2021

Na Hemedi Munga

tehama@irambadc.go.tz

Singida - Iramba. Mkuu wa wilaya ya Iramba mkoani Singida, Suleiman Mwenda amesikiliza na kutatua mgogoro wa ardhi hekari 420 kati ya Wananchi na Chama cha Ushirika ambapo kila mmoja alidai kuwa hekari hizo ni zao.

Mwenda ametatua mgogoro huo leo Ijamaa Desemba 24, 2021 wakati alipokutana na viongozi wa Chama cha Ushirika na Wananchi wa kijiji cha Nkyala, Kizonzo na Nselembwe Wilayani hapa.

Tangu mwaka 1995 Chama cha Ushirika waliyaacha mashamba haya mpaka leo hii ni takribani miaka 26 ambapo baadhi ya Wananchi waliyavamia na kuanza kuyatumia.

Akiongelea baadhi ya sheria ya ardhi, amesema kuwa mtu anapotumia ardhi kwa miaka 10 na zaidi na hapakuwa na yoyote wakumbuguzi au kumyanganya basi eneo hilo linakuwa lakwake.

Katika kuhakikisha mgogoro huo unatatuka Mkuu huyo wa Wilaya ametoa maamuzi ya kuzigawa hizo hekari za ardhi.

“ Ndugu zangu hekari 420 ni nyingi sana, hivyo ninazigawa kuwa hekari 210 zitarudi katika Chama cha Ushirika na hekari 210 zibaki kwa Wananchi hawa.” Amesema Mwenda na kuongeza kuwa

“Nawaomba muwe na imani kuwa haki yenu haitapotea kila mmoja atapata eneo ili muendelee na maisha ya kila siku, hivyo hekari hizi tutazigawa kwa utaratibu mzuri.”

Aidha, amewataka Watendaji wa Vijiji kutokuwa chanzo cha kuibua migogoro ya ardhi kati yao na Wananchi hasa kwa kuuza ardhi ambayo haimilikiwi na Serikali ya kijiji.

“Kimsingi yapo makosa yaliofanyika kwa upande wa Chama cha Ushirika kwa kutoacha utaratibu mzuri wa kuyalinda mashamba yao, halikadhalika kwa upande wa Wananchi ambao wamengia kienyeji kwenye mashamba ya Ushirika.”

Pia amewataka Wananchi hao kuhakikisha maeneo au mashamba yao yanapimwa kwa lengo lakuhakikisha mipaka inatambulika nakutosabaibisha migogoro.

“Ndugu zangu ni lazima sasa muhakikishe mashamba au nyumba zenu zinapimwa, eneo, ardhi, bustani au nyumba inapokuwa imekwishapimwa inaongezeka thamani.” alisema

Kutokuwa na hati miliki zinazotambulika kisheria baada ya miaka kadhaa wataingia katika migogoro tena na Chama cha Ushirika na kama sio Chama cha Ushirika basi itakuwa wao kwa wao au na watoto wao kwa sababu watu wanazaliwa lakini ardhi haiongezeki.

Akiongea mbele ya mkuu huyo wa wilaya, Mrajis Msaidizi wa Vyama vya Ushirika Mkoani Singida, Angela Maganga amesema kuwa kwa sababu Wananchi hao wanawezakuwa washirika katikaChama cha Ushirika basi wakubaliane na maamuzi hayo yatakayotolewa.

“Enyi ndugu zangu tambueni kuwa sisi tunawatazama kwa jicho la pili ambapo nyinyi ni wanufaika wa Chama cha Ushirika, tutakuja tuwape elimu ili mjisajili katika Ushirika na kuendelea kunufaika na mambo yanayopatikana katika Ushirika.” Alisema Maganga

Kwa upande wake Mwenyekiti wa Chama kikuu cha Ushirika (SIFAKU), Yahaya Hamisi amesema kuwa wanahitaji kuliendeleza shamba lao kwa kulima zao la alizeti ambayo ipo katika mpango wa kimkoa.

“Ni vyema mkatambua ndugu zangu  msimu huu tumepata mkopo toka benki ya TIDB kwa ajili ya kulima hekari 200.”

Naye mkazi na mdai wa eneo hilo, Rashidi Mayingule amemshukuru mkuu huyo wa wilaya kwa namna ambavyo ametatua mgogoro huo.

“Kwa kweli tunashukuru sana, leo tumepata ufumbuzi wa mashamba haya, hivyo tutaendelea na shughuli zetu za kilimo kwa sababu tayari mvua zimeanza.” amesema

MWISHO