Viongozi CHADEMA wajiunga na chama Tawala (CCM) wilayani Iramba mkoani Singida.

Posted on: July 30th, 2019

Wajumbe kwenye kikao maalum cha Halmashauri kuu ya CCM wilaya Iramba.

Viongozi CHADEMA wajiunga na chama Tawala (CCM) wilayani Iramba mkoani Singida. Mwanyekiti wa chama cha Mapinduzi (CCM) wilaya ya Iramba Mhe: Samwel Ashery Joel amepokea viongozi hao katika kikao maalum cha Halmashauri kuu ya CCM wilaya Iramba.

Wanachama hao wamepokelewa pia na Mkuu wa wilaya ya Iramba Mhe: Emmanuel Luhahula, Mbunge wa Jimbo la Iramba Mhe: Dkt Mwigulu Nchemba na wajumbe wa Halmashauri Kuu CCM wilaya ya Iramba ambapo wanachama hao wapya walikula kiapo cha kujiunga na CCM wilayani Iramba.

Wakizungumza kwa nyakati tofauti, Wanachama hao wamesema, wameamua kujiunga na CCM kile wanachodai kuunga mkono juhudi za Mhe: Rais Dkt Pombe Joseph Magufuli.

Akizungumza Mwenyekiti wa Kitongoji cha Malendi kata ya Mseko amesema, mimi naitwa Magulya Malingo mwenyeji wa kijijij cha Mseko na mwenyekiti wa Kitongoji cha Malendi kijiji cha Mseko kupitia chama cha Chadema, nimeamua kujiunga na CCM ili kuunga mkono juhudi za Mhe: Rais Dkt Pombe Joesph Magufuli kwa kuwa anayoyafanya ndo tunayohitaji alisema Malingo.

Kwa upande wake Peter John Kwalu amesema “Mim ni mwneyekiti wa kijiji cha Tintigulu, kupitia Chadema, kazi za Mhe: Rais Dkt Pombe Joseph Magufuli zimenivuta sana Pia kazi za Mhe: Mbunge,Dkt Mwigulu Nchemba zimenivuta. nimeletewa mbao, mabati, saruji na serikali, Nimejiunga na CCM ili kuunga mkono juhudi za chama tawala, nilichokiona Chadema ni shida nyingi alisema Kwalu.

Kwa upandea wake Ndg Fanuel Daniel Mkitila Mwenyeji wa Kisonga Shelui kata ya Mgongo, mnazimu wa chama cha Chadema kata ya mgongo amesema “nilipitia katiba ya chama cha CCM na ilinigusa na kunishawishi kulingana na yale yaliyomo kwenye katiba, kwa kuonyesha mguso huu nilichangia madawati 60 na mifuko ya saruji 100 kwa ajili ya ujenzi wa hostel ya shule ya sekondari Mgongo ili kuunga mkono juhudi za Mhe: Rais wa jamhuri ya muungano wa Tanzania, Dkt Pombe Joseph Magufuli kwa hiyo nimejitokeza na kujiunga na CCM ili tushirikiane na tufanye mambo makubwa zaidi.

Mwenyekiti wa baraza la wanawake wilaya ya Iramba kupitia Chadema, Ndg Agnes Nasania Amos amesema “natokea Kata ya Shelui, siku ya leo nimeamua kujiunga na CCM, nimekuja kuunga mkono juhudi za Mhe Rais. Dkt Pombe Joseph Magufuli. Naomba mnipokee.