Watoto 66, 281 wamechanjwa wilayani Iramba kampeni ya cha chanjo surua rubella na polio. Picha na Hemedi Munga

Posted on: November 6th, 2019

By Hemedi Munga, Irambadc

tehama@irambadc.go.tz

Iramba.Mkuu wa Wilaya ya Iramba, Emmanuel Luhahula ameipongeza Timu ya uendeshaji wa Huduma za Afya za Halmashauri (CHMT) kwa kuvuka lengo katika kampeni ya chanjo ya surua rubella na Polio.

Luhahula ameyasema hayo leo Jumatano Novemba 06, 2019 wakati akipokea taarifa fupi ya tathimini ya kampeni ya chanjo ya surua rubella na polio ukumbi mdogo wa Halmashauri, wilayani  Iramba Mkoa wa Singida Tanzania.

Akiwasilisha taarifa fupi ya mafanikio ya uchanjaji wa chanjo ya surua rubella na polio mbele ya  Mkuu wa Wilaya hiyo, Mratibu wa Chanjo Wilaya, Jackson Shilla amesema watoto 42,778 wamechanjwa chanjo ya surua rubella huku watoto 23,503 wamechanjwa chanjo ya polio.

Uchanjaji huo umevuka lengo lililokuwa limekusudiwa kuchanja watoto wote wenye umri wa miezi 9 hadi chini ya miaka mitano. Aliongeza Shilla

Akichangia mada katika kikao hicho Afisa Takukuru, Benjamin Maysaga ameitaka   Timu ya uendeshaji wa Huduma za Afya za Halmashauri (CHMT) kutoa elimu ya chanjo hizo kwa wafugaji na wale wanaoendesha zoezi hilo  huku akiwatahadharisha kujiepusha na rushwa.

Kampeni ya chanjo ya surua rubella na polio ilifanyika nchi nzima kuanzia Oktoba 17 hadi 21, 2019 chini ya Wizara ya Afya, Ustawi wa jamii, Jinsia Wazee na Watoto kwa kushirikiana na Shirika la Afya Dunia (WHO), UNICEF na wadau wengine wa maendeleo.

Chanjo hizo zitaendelea kutolewa chini ya kauli mbiu isemayo “Chanjo ni kinga kwa pamja tuwakinge”                                                                                                                                                                                                                                                                                                                                                                                                                                                                                                                                                                                                                                                                                                                                                                                       

Mkuu wa Wilaya ya Iramba, Emmanuel Luhahula akiwa pamoja na wajumbe wa kamati ya afya ya msingi PHC iliyofanyika leo Novemba 06, 2019 ukumbi wa Halmashauri ya wilaya ya Iramba. Picha na Hemedi Munga