ZAIDI YA Tsh. MIL. 14.5 ZIMETUMIKA KUTOA MOTISHA KWA WALIMU, SHULE NA KATA WAKIWEMO WANAFUNZI 10 WALIOFAULU KWA KIWANGO CHA JUU WILAYANI IRAMBA KWENYE MTIHANI WA DARASA LA SABA NA DARASA LA NNE 2023 KWA SHULE ZA MSINGI WILAYA YA IRAMBA, MKOANI SINGIDA.

Posted on: April 9th, 2024

Mgeni rasmi na Mkuu wa Wilaya ya Iramba Mkoani Singida Suleiman Yusuph Mwenda,ametoa zawadi mbalimbali ,ikiwemo fedha taslimu kwa wanafunzi 10 waliofaulu vizuri katika mtihani wa Kumaliza elimu ya Msingi  (Darasa la Saba), Walimu waliofaulisha vizuri katika  masomo yao, Shule zilizoongeza ufaulu, Shule zilizoongoza kwa Kata kupewa motisha za Kompyuta ;

Zawadi nyingine ni kwa Shule Bora 6 zilizoongoza Kiwilaya pia Kata zilizoongoza Kiwilaya kwa ufaulu, Kata zilizoongeza ufaulu kwa kiasi kikubwa  Kiwilaya, Shule binafsi zilizoongoza ufaulu Kiwilaya na shule iliyoongeza ufaulu kwa kiasi kikubwa sana  Kiwilaya (Mwamapuli iliyopo Kata ya Kidaru)

"Kuongeza ufaulu kwa darasa la Nne na darasa la Saba katika Shule, katika Kata, Ni kazi kubwa na juhudi kubwa Sana Hongereni sanasana ,Tangu niwe Mkuu wa Wilaya hapa, nilikuta kiwango cha ufaulu kilikuwa alama 58 lakini mmejitahidi ndani ya Miaka 3  kuongeza asilimia za ufaulu kutoka 58 na sasa ni 71.9"  Amesema Mwenda.

"Lengo letu ilikuwa ni kufikia asilimia 85 lakini  kwa sasa Mkuu wa Mkoa amekuja na lengo lake, na Kwa kuwa Mkuu wa Mkoa ni kiongozi wetu wa Mkoa yeye amelenga kufikia asilimia 90 hivyo Naamini kwa msimu huu  tutajitahidi tufikie lengo hili " Amesisitiza Kiongozi huyo.

Mkurugenzi Mtendaji wa halmashauri ya Wilaya ya Iramba Mkoani Singida, Michael Matomora amesema, yeye na menejimenti yake wameona  ni vema kuwamotisha Walimu kutokana na kazi kubwa ya kutoka kwenye nafasi ya Mwisho  katika Mkoa. Pia Kuongeza alama ingawa bado tunatakiwa kushika  nafasi tatu za juu zaidi.

Mwenyekiti wa huduma za Jamii Wilfred Kizanga, Amewataka Walimu kishirikiana  na kuondoka katika nafasi za Mwisho kwani Iramba  siyo Mrithi wa nafasi hizo, Aidha kwa upande wake Mwenyekiti wa Halmashauri ya Wilaya ya Iramba  Innocent Msengi, Amewataka Maafisa Elimu Kata kuvua vyeo vyao na kishirikiana na Walimu, Vilevile  Walimu wakuu nao vivyo hivyo kwa ushirikiano huo, Iramba itashika  nafasi tatu za kwanza Kimkoa