DC MWENDA AONGOZA ZOEZI LA UPANDAJI MITI WAPANDA MITI 3500 KATA YA MGONGO

Posted on: March 9th, 2023

Mkuu wa Wilaya ya Iramba Mkoani Singida Suleimani Yusuph Mwenda ameongoza Wakuu wa divisheni na vitengo kutoka Halmashauri ya Wilaya ya Iramba,Wananchi wilayani hapa kupanda miti 3500 katika  Vijiji vya Kizonzo na Mseko  vilivyopo Kata ya Mgongo ikiwa ni sehemu ya Kampeni ya upandaji miti kwa Wilaya ya Iramba  yenye lengo la kuifanya Iramba iwe ya kijani.

Akizungumzia siku hiyo Mkuu wa Wilaya ya Iramba Mkoani Singida Suleimani Yusuph Mwenda ,amesema siku ya Upandaji miti imelenga  kuiweka Pamoja Viongozi na Wananchi  ili kushirikiana katika mambo mbalimbali ya kijamii, ambapo aliwataka Wananchi kutoa ushirikiano katika kubaini vitendo vya kihalifu katika jamii.

Aidha, DC Mwenda.  amewataka Wananchi  wa Vijiji hivyo kutunza Miti iliyopandwa  leo Machi 9, 2023 ili ilete tija kwao na kwa kizazi kijacho

Akiongea kwa niaba ya Mkurugenzi Mtendaji wa Halmashauri ya Wilaya ya Iramba, Mkuu wa divisheni ya rasilimali watu  amesema kuwa maelekezo ya Kitaifa ni kuhakikisha kila Wilaya inapanda Miti isiyopungua Milioni moja na Laki tano(1,500,000) na kila  Kaya kupanda Miti isiyopungua Minne(4)  ambapo aliwataka Wananchi kutumia jitihada binafsi  katika kufanikisha zoezi hilo.

Afisa  Mtendaji  Kata ya Mgongo ,Maria Daudi  ametaja umuhimu wa zoezi hilo na kueleza mikakati watakayochukua kutunza Miti hiyo ikiwemo kuchukua hatua za kisheria kwa yeyote atakaye bainika kubeza juhudi za Serikali zinazolenga kupambana na mabadiliko ya Tabia Nchi.

Hii ni awamu ya Tatu ya zoezi la upandaji Miti Wilayani hapa ambapo zoezi la kwanza lilianza  siku ya uhuru wa Tanganyika, awamu ya pili ilizinduliwa hivi karibu na Mkuu wa Mkoa wa Singida  na leo ni awamu ya Tatu ambapo jumla ya miti Elfu tatu na mia  tano(3500) Kata ya Mgongo vijiji vya Mseko na Kizonzo